မနေ့ကနဲ့ ဒီနေ့အုပ်စုအဖွင့်ပွဲအတွက် နောက်ဆုံးပွဲခန့်မှန်းချက်တွေမှာတော့ ပေါ်တူဂီကလွဲပြီး MPA အလေးပေးခဲ့တဲ့ အသင်းတွေ အနိုင်ရခဲ့ပါတယ်။ ဒီနေ့ညနက်ပိုင်းနဲ့ မနက်ဖြန် ဇွန်လ ၁၉ ရက် မနက်အစောပိုင်းတွေမှာ စတော့မယ့် ဒုတိယမြောက်ပွဲစဉ်တွေကို MPA က ထပ်မံ ခန့်မှန်းပေးလိုက်ချင်ပါတယ်။ ဒီပွဲစဉ်တွေဟာ အုပ်စုပွဲကနေ ကျွတ်မကျွတ်ဆိုတာ အဆုံးအဖြတ်ပေးနိုင်လို့ အရေးပါပြီး ကောင်းမွန်တဲ့ပွဲစဉ်တွေအဖြစ် တွေ့မြင်လာရဖို့ရှိနေပါတယ်။ အဖွင့်ပွဲစဉ်မှာ အံ့ဖွယ်တွေ လုပ်ပြခဲ့သလိုမျိုး ဒုတိယပွဲစဉ်မှာရော မထင်မှတ်ထားတာတွေ ဖြစ်လာနိုင်မလား။ ရင်ခုန်စွာ စောင့်ကြည့်ချင်စရာပါပဲ။
ဒီနေ့နဲ့ မနက်ဖြန်မှာ ပူးတွဲအိမ်ရှင် ကနေဒါနဲ့ မက္ကဆီကိုတို့ရဲ့ အုပ်စု A, B က ပွဲစဉ်တွေနဲ့အတူ ပွဲကောင်းတွေရှိနေပါတယ်။
(၁) ချက်- တောင်အာဖရိက (မြန်မာစံတော်ချိန် ည ၁၀ နာရီခွဲ)
ဒီနှစ်သင်းစလုံးရဲ့ အဖွင့်ပွဲခြေစွမ်းဟာ ပြိုင်ပွဲဝင်အသင်းတွေထဲမှာ မကောင်းမွန်လှဘူးလို့ ပြောလို့ရတဲ့အထဲ ပါဝင်နေပါတယ်။ သို့သော်လည်း အဖွင့်ပွဲမှာ တောင်အာဖရိကက အိမ်ရှင် မက္ကဆီကိုအသင်းကို ၂ ဂိုး – ဂိုးမရှိနဲ့ ရှုံးနိမ့်ခဲ့ရသလို၊ ချက်အသင်းကလည်း အာရှအင်အားကြီး တောင်ကိုရီးယားအသင်းကို ရှုံးနိမ့်ခဲ့ရတာကြောင့် အင်အားကြီးအသင်းတွေနဲ့ ဆုံတွေ့ခဲ့ရတဲ့အချက်ကလည်း ပါဝင်နေပါတယ်။ လက်ရှိ ခြေစွမ်းအရ မျှတတယ်လို့ ပြောနိုင်ပေမဲ့ ပွဲပယ်ပြဿနာတွေကြောင့် ချက်အသင်းဘက်က သိသိသာသာ အားသာချက် ရှိနေတာကို မြင်တွေ့ရမှာ ဖြစ်ပါတယ်။
အဖွင့်ပွဲစဉ်မှာ အဓိကကွင်းလယ်ကစားသမားနှစ်ဦးဖြစ်တဲ့ စဖီဖီလို စီသိုးလ်နဲ့ သင်းဘား ဇွာနီတို့ အနီကပ်ပြ ကတ်နီပြစ်ဒဏ် ခံထားရတာကြောင့် ဒီပွဲစဉ်မှာ ပါဝင်လာနိုင်မှာမဟုတ်ဘဲ လူစာရင်း အကြီးအကျယ် လျော့နည်းနေပါတယ်။ ဒီပယ်ဖျက်မှုတွေကြောင့် နည်းဗျူဟာပိုင်း ပြောင်းလဲပြင်ဆင်ရမှာဖြစ်ပြီး ချက်အသင်းရဲ့ တန်ပြန်တိုက်စစ်ဆင်မှုအောက်မှာ ခံစစ်ပိုင်း ဟာကွက်တွေ ပေါ်လာနိုင်ပါတယ်။
ချက်အသင်းကတော့ ပထမလူစာရင်း အပြည့်အစုံနဲ့ ပြန်လည်ပွဲထွက်လာမှာ ဖြစ်ပါတယ်။ လေဗာကူဆင်တိုက်စစ်မှူး ပက်ထရစ် ရှစ်ခ်နဲ့ ဝက်စ်ဟမ်းကွင်းလယ်လူ တိုမတ်စ် ဆူချက်ခ်တို့ ဦးဆောင်လာမယ့် ချက်အသင်းဟာ ခန္ဓာကိုယ်ကြံ့ခိုင်မှုပိုင်းနဲ့ သူတို့ အားသာတဲ့ Set-piece (ပြစ်ဒဏ်ဘော/ထောင့်ကန်ဘော) အခွင့်အရေးတွေကို အဓိက အားထားကစားသွားဖွယ် ရှိနေပါတယ်။
ချက်အသင်းက ပွဲကိုအနိုင်ရဖို့ ရေပန်းအစားဆုံးအသင်းအဖြစ် ထိပ်တန်းဒိုင်တွေဖြစ်တဲ့ DraftKings နဲ့ FanDuel တို့မှာ (-130) ဝန်းကျင်အထိ စျေးပေါက်နေပြီး အနိုင်ရဖို့ အပြတ်အသတ် အခြေအနေကောင်းနေပါတယ်။
တောင်အာဖရိကအသင်းအနေနဲ့ ကွင်းလယ်အင်အား လျော့နည်းနေတာကြောင့် ချက်အသင်းရဲ့ စနစ်ကျတဲ့ ခံစစ်တံတိုင်းကို ဖောက်ထွင်းပြီး ဂိုးရယူဖို့ ရုန်းကန်ရနိုင်ပါတယ်။ ဒါကြောင့် ကျွမ်းကျင်သူတွေက ဂိုးအောက် (Under 2.5)ဖြစ်ဖို့ များတယ်လို့ သုံးသပ်ထားကြပါတယ်။
တိုက်စစ်မှူး ပက်ထရစ် ရှစ်ခ် (Patrik Schick) ဟာ ဒီပွဲစဉ်ကို အဆုံးအဖြတ်ပေးမယ့် ဂိုးတွေ သွင်းယူနိုင်ခြေ အရှိဆုံးကစားသမားအဖြစ် သတ်မှတ်ခံထားရပါတယ်။
ဒီပွဲစဉ်မှာ နှစ်သင်းစလုံး ဂိုးရဖို့ ရုန်းကန်ရနိုင်ခြေရှိပြီး သရေကျနိုင်ခြေ သို့မဟုတ် ဂိုးအောက် ဖြစ်ဖို့ ရာခိုင်နှုန်း အလွန်များပြားနေပါတယ်။ သို့သော်လည်း ကစားသမားအင်အား အပြည့်အစုံရှိနေတဲ့အပြင် ကာယပိုင်း ပိုမိုအားသာတဲ့ ချက်အသင်းဘက်ကပဲ အနိုင်ရလဒ်ကို ဆုပ်ကိုင်သွားဖို့ ရှိနေပါတယ်။ အလားအလာအရှိဆုံး ရလဒ်ခန့်မှန်းချက်ကတော့ ချက် ၁-၀ တောင်အာဖရိကနဲ့ ချက် ၂ – ၀ တောင်အာဖရိကတို့ဖြစ်ပါတယ်။ ဒါကြောင့် ဒီပွဲအတွက် ချက်အသင်းအနိုင်နဲ့ ဂိုးအောက်ကို ရွေးချယ်ထားချင်ပါတယ်။
(၂) ဆွစ်ဇာလန် – ဘော့ဇနီးယား(ဇွန် ၁၉၊ မြန်မာစံတော်ချိန် နံနက် ၁ နာရီခွဲ)
ကမ္ဘာ့ဖလားအုပ်စု (B) ရဲ့ အခြေအနေကတော့ အဖွင့်ပွဲစဉ်နှစ်ပွဲလုံးမှာ တစ်ဖက် ၁ ဂိုးစီ (၁-၁) သရေရလဒ်တွေ ချည်းပဲ ထွက်ပေါ်ခဲ့တာကြောင့် အားလုံးတွေးထင်ထားတာမျိုး ဖြစ်မလာဘဲ ထူးထူးခြားခြား ဖြစ်နေပါတယ်။ အပေါ်အသင်းကြီးတွေဖြစ်ကြတဲ့ အိမ်ရှင် ကနေဒါအသင်းရော ဆွစ်ဇာလန်အသင်းပါ ပြိုင်ဘက်တွေကို အမှတ်ခွဲပေးခဲ့ရတာကြောင့် အခုပွဲစဉ်ဟာ နှစ်သင်းစလုံးအတွက် ရှုံးထွက်အဆင့်ကို တက်ရောက်နိုင်ဖို့ အလွန်အရေးကြီးတဲ့ အဆုံးအဖြတ်ပွဲစဉ် ဖြစ်လာခဲ့ပါတယ်။ အထူးသဖြင့် ဆွစ်ဇာလန်အသင်းအနေနဲ့ ဒီပွဲမှာသာ ရလဒ်မကောင်းခဲ့ရင် ပြိုင်ပွဲကနေ ထွက်ခွာရမယ့် ချောက်ကမ်းပါးစွန်းအန္တရာယ်က စောင့်ကြိုနေတာ ဖြစ်ပါတယ်။ ဘာလို့လဲဆိုတော့ သူတို့ အုပ်စုနောက်ဆုံးပွဲစဉ်က အိမ်ရှင်ကနေဒါနဲ့ဖြစ်နေလို့ပါ။
ပွဲကြိုသုံးသပ်ချက်တွေအရ ဆွစ်ဇာလန်အသင်းက အနိုင်ရဖို့ ပိုမိုရေပန်းစားနေပါတယ်။ ကာတာအသင်းနဲ့ ကစားခဲ့တဲ့ အဖွင့်ပွဲစဉ်တုန်းက ဆွစ်ဇာလန်အသင်းဟာ ဘောလုံးပိုင်ဆိုင်မှု အသာစီးယူနိုင်ခဲ့ပြီး ဂိုးကန်သွင်းခွင့် ၂၇ ကြိမ်အထိ ရရှိခဲ့ပေမဲ့ အဆုံးသတ်ပိုင်း အားနည်းချက်ကြောင့် သရေကျခဲ့ရတာ ဖြစ်ပါတယ်။ ဒီပွဲမှာတော့ အသင်းခေါင်းဆောင် ဂရန်နစ် ရှာကာ ကွင်းလယ်ကနေ ပွဲကိုထိန်းချုပ်မောင်းနှင်သွားမှာဖြစ်ပြီး၊ တိုက်စစ်ပိုင်းမှာတော့ ဘရီးလ် အမ်ဘိုလိုက အဓိက ဂိုးသွင်းခြိမ်းခြောက်မှု ပြုလုပ်သွားမှာ ဖြစ်ပါတယ်။
တစ်ဖက်က ဘော့ဇနီးယားအသင်းကတော့ ကြံ့ခိုင်မှုပိုင်းကို အားပြုပြီး ခံစစ်အသားပေး ကစားတတ်တဲ့ အသင်းဖြစ်တယ်ဆိုတာ အားလုံးတွေ့မြင်ပြီးဖြစ်ပါလိမ့်မယ်။ သူတို့ဟာ ကနေဒါ၊ အီတလီ၊ ဝေးလ်စ် စတဲ့အသင်းကြီးတွေနဲ့ ဆုံတွေ့ချိန်မှာ ခံစစ်အကောင်းဆုံး ပိတ်ဆို့ပြီး အမှတ်ခွဲယူနိုင်ခဲ့တဲ့ မှတ်တမ်းကောင်းတွေ ရှိထားတာကြောင့်၊ အခုပွဲမှာလည်း ဆွစ်ဇာလန်အသင်းကို အကြပ်ရိုက်အောင် ပိတ်ကစားပြီး တန်ပြန်တိုက်စစ် သို့မဟုတ် Set-piece အခွင့်အရေးတွေကနေ ဂိုးရဖို့ ကြိုးစားလာမှာ ဖြစ်ပါတယ်။ အသင်းရဲ့ အဓိက အားထားရမယ့် ဂိုးသွင်းရှင်ကတော့ အာမတ်ဒင် ဒီမီရိုဗစ်ဖြစ်ပါတယ်။
လောင်းကစားဒိုင်တွေရဲ့ စျေးနှုန်းအရ ဆွစ်ဇာလန်အသင်း အနိုင်ရဖို့ကို အနုတ် ၁၇၅(-175) ကနေ အနုတ် ၁၈၅(-185) ဝန်းကျင်အထိ စျေးဖွင့်ထားတာကြောင့် ဆွစ်ဇာလန်ဘက်က သိသိသာသာ အသာစီးရနေပါတယ်။
နှစ်သင်းစလုံး အမှားမခံဘဲ သတိကြီးကြီးထား ကစားလာနိုင်တာကြောင့် ကျွမ်းကျင်သူအများစုက ဂိုးအောက် (နှစ်သင်းပေါင်း ၂ ဒသမ ၅ ဂိုးအောက်) အဖြစ် သတ်မှတ်ထားပြီး စျေးနှုန်းကတော့ အနုတ် ၁၂၅ (-125) ဝန်းကျင် ရှိနေပါတယ်။
စိတ်ချရပြီး စျေးကောင်းရနိုင်တဲ့ အကွက်အဖြစ် ဆွစ်ဇာလန်နိုင်နဲ့ ဂိုးပေါင်း ၃.၅ အောက်တွဲဖက်မှုကို အကြံပြုထားကြပါတယ်။
ဒီပွဲစဉ်မှာ အများတွေးထင်ထားသလိုမျိုး ဆွစ်ဇာလန်အသင်းက အသာစီးယူ ကစားသွားနိုင်ခြေရှိပေမဲ့ ထင်တိုင်းမဖြစ်တတ်တဲ့ ရလဒ်တွေရဲ့ သဘောတရားအတိုင်း ဘော့ဇနီးယားရဲ့ ခံစစ်ကြောင့် အကြိတ်အနယ် ရှိလှမယ့် ပွဲစဉ်တစ်ခု ဖြစ်လာနိုင်ပါတယ်။ သို့သော်လည်း MPA အနေနဲ့ကတော့ ဆွစ်ဇာလန်အသင်းရဲ့ လူအင်အားနဲ့ ပွဲအတွေ့အကြုံအရ ဒီပွဲအတွက် ဆွစ်ဇာလန်အနိုင်နဲ့ ဂိုးအောက်ရလဒ်ကိုပဲ အရဲစွန့် ရွေးချယ်ပေးချင်ပါတယ်။
အလားအလာအရှိဆုံး ရလဒ်ခန့်မှန်းချက်အနေနဲ့ ဆွစ်ဇာလန် ၂ – ၁ ဘော့ဇနီးယားအဖြစ် ဆွစ်ဇာလန်အနိုင်နဲ့ ဂိုးအောက် (Under 2.5) သို့မဟုတ် (Under 3.5)ကို ရွေးချယ်ထားချင်ပါတယ်။
(၃) ကနေဒါနဲ့ ကာတာ (ဇွန် ၁၉၊ မြန်မာစံတော်ချိန် နံနက် ၄ နာရီခွဲ)
ကမ္ဘာ့ဖလားအုပ်စု (B) ရဲ့ ဒုတိယမြောက် ပွဲစဉ်အဖြစ် ပူးတွဲအိမ်ရှင် ကနေဒါအသင်းနဲ့ ကာတာအသင်းတို့ ဆုံတွေ့ကြမှာဖြစ်ပြီး၊ ဒီပွဲဟာ နှစ်သင်းစလုံးအတွက် ရှုံးထွက်အဆင့်ကို တက်ရောက်နိုင်ဖို့ အသက်တမျှ အရေးပါနေတဲ့ သေရေးရှင်ရေးပွဲစဉ်တစ်ပွဲ ဖြစ်ပါတယ်။ အဖွင့်ပွဲစဉ်တုန်းက ကနေဒါအသင်းဟာ ဘော့ဇနီးယားအသင်းနဲ့ ၁ ဂိုးစီ သရေကျခဲ့သလို၊ ကာတာအသင်းကလည်း ဆွစ်ဇာလန်အသင်းကို ၁ ဂိုးစီနဲ့ပဲ အမှတ်ခွဲပေးခဲ့ရတာကြောင့် အခုပွဲမှာ အနိုင်ရရှိတဲ့အသင်းကသာ ရှုံးထွက်အဆင့်တက်ဖို့ လမ်းကြောင်းကို စိတ်ချလက်ချ ထိန်းချုပ်သွားနိုင်မှာ ဖြစ်ပါတယ်။
ပွဲကြိုသုံးသပ်ချက်တွေအရ အိမ်ရှင် ကနေဒါအသင်းက အပြတ်အသတ် ရေပန်းစားနေပါတယ်။ ကနေဒါအသင်းဟာ ဗန်ကူးဗားမြို့က BC Place ကွင်းကြီးအတွင်း ကစားရမှာဖြစ်လို့ ပြင်းထန်တဲ့ အိမ်ရှင်ပရိသတ်တွေရဲ့ အားပေးမှုကို ရရှိထားမယ့်အပြင်၊ တိုက်စစ်ပိုင်း လူအင်အား ပိုမိုတောင့်တင်းလှပါတယ်။ ကနေဒါအသင်းအနေနဲ့ ကမ္ဘာ့ဖလားပြိုင်ပွဲ သမိုင်းတစ်လျှောက် ပထမဆုံးအကြိမ်အဖြစ် အမျိုးသားကမ္ဘာ့ဖလားပွဲ အနိုင်ရလဒ်ကို အိမ်ရှင်ပရိသတ်တွေရှေ့မှာ အရယူပေးဖို့ စိတ်အားထက်သန်မှု အပြည့်ရှိနေပါတယ်။ အသင်းရဲ့ အဓိက စောင့်ကြည့်ရမယ့် တိုက်စစ်မှူးကတော့ ဂျိုနသန် ဒေးဗစ်ပါ။ သူ့ရဲ့ အဆုံးသတ်သေချာမှုတွေကို ကာတာခံစစ်ပိုင်းအနေနဲ့ မိနစ် ၉၀ စလုံး ထိန်းချုပ်နိုင်ဖို့ ခက်ခဲပါလိမ့်မယ်။
ကာတာအသင်းဟာ ခြေစွမ်းပိုင်း လုံးဝနိမ့်ကျလှတယ်လို့ ပြောလို့မရပေမဲ့ လက်ရှိအချိန်မှာ နိုင်ပွဲပျောက်ဆုံးနေတဲ့ မှတ်တမ်းဆိုးတစ်ခုကိုလည်း ထပ်ဖိထောင်းခံနေရပါတယ်။ အိမ်ရှင် ကနေဒါအသင်းရဲ့ အားကောင်းတဲ့ ခံစစ်တံတိုင်းနဲ့ တိုက်စစ်အရှိန်အဟုန်အောက်မှာ ကာတာအသင်းအနေနဲ့ အမှတ်ခွဲယူနိုင်လောက်တဲ့အထိ ဖြစ်နိုင်ခြေ အလွန်နည်းပါးတယ်လို့ သုံးသပ်ရပါတယ်။ နှစ်သင်းစလုံးရဲ့ ထိပ်တိုက်တွေ့ဆုံမှု မှတ်တမ်းအရ ၂၀၂၂ ခုနှစ်က ခြေစမ်းပွဲတစ်ပွဲတည်းသာ ဆုံတွေ့ခဲ့ဖူးပြီး အဲဒီပွဲစဉ်မှာလည်း ကနေဒါအသင်းက ဆိုင်လ် လာရင်နဲ့ ဂျိုနသန် ဒေးဗစ်တို့ရဲ့ ဂိုးတွေနဲ့ ၂ ဂိုး – ဂိုးမရှိနဲ့ အနိုင်ရရှိခဲ့ဖူးပါတယ်။
ကနေဒါအသင်းဟာ အိမ်ကွင်းအားသာချက်ကြောင့် ထိပ်တန်းဒိုင်ကြီးတွေအားလုံးမှာ အနိုင်ရဖို့ အပြတ်အသတ် စျေးဖွင့်ခြင်း ခံထားရပါတယ်။ ဒီပွဲစဉ်အတွက် မြေပြင်ကျွမ်းကျင်သူတွေက ဂိုးအောက်က စျေးကွက်အရ ပိုမိုခိုင်မာတယ်လို့ ယူဆထားကြပါတယ်။ အကြောင်းကတော့ နှစ်သင်းစလုံးဟာ ဂိုးတွေအများကြီး သွင်းလေ့ရှိတဲ့အသင်းမျိုး မဟုတ်တာကြောင့် ဖြစ်ပါတယ်။ သို့သော်လည်း အိမ်ရှင်ကနေဒါအသင်းရဲ့ တိုက်စစ်ဖွင့်ကစားလာမယ့် ပုံစံကြောင့် အခြေအနေအပေါ်မူတည်ပြီး ဂိုးပေါ်သွားနိုင်ခြေလည်း ရှိနေပါတယ်။
ဒေတာ ဆန်းစစ်ချက်တွေအရ ဒီပွဲမှာ ကနေဒါအသင်းက ပွဲကိုအသာစီးနဲ့ ထိန်းချုပ်ကစားပြီး ၂ ဂိုး – ဂိုးမရှိ (၂-၀) ရလဒ်နဲ့ အနိုင်ရရှိသွားဖို့ ရာခိုင်နှုန်းအများဆုံး ရှိနေပါတယ်။
ဒီပွဲစဉ်မှာ ကာတာအသင်းအနေနဲ့ အိမ်ရှင်ကနေဒါအသင်းကို အမှတ်ခွဲယူနိုင်ဖို့ ရုန်းကန်ရမှာ သေချာသလောက် ရှိနေပါတယ်။ ပူးတွဲအိမ်ရှင် ကနေဒါအသင်းကတော့ အိမ်ကွင်းပရိသတ်အင်အား၊ တိုက်စစ်အင်အားနဲ့ သမိုင်းဝင်နိုင်ပွဲအတွက် ပေးဆပ်ကစားသွားမှာဖြစ်လို့ ကနေဒါအသင်းပဲ အေးအေးဆေးဆေး အနိုင်ရရှိသွားဖို့ များပါတယ်။ အလားအလာအရှိဆုံး ရလဒ်ခန့်မှန်းချက်ကတော့ ကနေဒါ ၂ – ၀ ကာတာဆိုတဲ့ ကနေဒါအနိုင်နဲ့အတူ ဂိုးပေါင်းကတော့ ခန့်မှန်းရတဲ့အခြေအနေမှာရှိနေပါတယ်။ MPA အနေနဲ့တော့ ကနေဒါနဲ့ ဂိုးအောက်ကို ရွေးချယ်ထားချင်ပါတယ်။
(၄) မက္ကဆီကိုနဲ့ တောင်ကိုရီးယား (ဇွန် ၁၉၊ မြန်မာစံတော်ချိန် နံနက် ၇ နာရီခွဲ)
နောက်ဆုံးအနေနဲ့ ဇွန်လ ၁၉ ရက်နေ့အတွက် စိတ်လှုပ်ရှားစရာအကောင်းဆုံး သတ်ကွင်းလို့ ပြောရမယ့် ပူးတွဲအိမ်ရှင် မက္ကဆီကိုနဲ့ အာရှအင်အားကြီး တောင်ကိုရီးယားတို့ရဲ့ ပွဲကြီးပွဲကောင်းအကြောင်း ပြောပြပါရစေ။
ဒီပွဲကတော့ တကယ့်ကို အကြိတ်အနယ် ရှိမှာပါ။ အကြောင်းကတော့ နှစ်သင်းစလုံး အဖွင့်ပွဲမှာ အနိုင်ရထားကြလို့ အခုပွဲမှာ ထပ်နိုင်တဲ့အသင်းဟာ ရှုံးထွက် ၃၂ သင်းအဆင့်ကို ရာနှုန်းပြည့် တိုက်ရိုက်တက်လှမ်းနိုင်မှာ ဖြစ်လို့ပါပဲ။ လျင်မြန်ပြီး ကျစ်လျစ်တဲ့ မက္ကဆီကိုရဲ့ ကစားပုံနဲ့၊ စည်းလုံးပြီး ကစားကွက်ကောင်း၊ ကစားသမားကောင်းတွေ ရှိနေတဲ့ တောင်ကိုရီးယားတို့ရဲ့ ထိပ်တိုက်တွေ့ဆုံမှုက တကယ့်ကို ရင်ခုန်စရာပါ။
မြေပြင်အချက်အလက်တွေအရတော့ ဒီပွဲက ရလဒ်ခန့်မှန်းရ အလွန်ကျပ်ပါတယ်။ နှစ်သင်းလုံးမှာ အားသာချက်ကိုယ်စီ ရှိနေပေမဲ့ မက္ကဆီကိုကတော့ အိမ်ရှင်အားသာချက်၊ ပြင်းထန်တဲ့ ပရိသတ်အင်အား၊ ဒေသတွင်း ရာသီဥတုနဲ့ အမြင့်ပေ နေသားကျမှု၊ ကြံ့ခိုင်မှု စတာတွေကြောင့် ပိုပြီး အခြေအနေကောင်းနေပါတယ်။ သူတို့ရဲ့ တိုက်စစ်တွဲဖြစ်တဲ့ ကီနွန်နက်စ်နဲ့ ရာအူးလ် ဂျီမီးနက်စ်တို့က အဓိက လက်နက်တွေ ဖြစ်ပေမဲ့၊ ဗဟိုနောက်ခံလူ မွန်တက်စ် ပွဲပယ်ခံထားရတာကတော့ မက္ကဆီကိုအတွက် ခံစစ်ပိုင်း ပြင်ဆင်ရမယ့်အချက်ပါ။
ဒါပေမဲ့ တောင်ကိုရီးယားရဲ့ အဖွင့်ပွဲကစားပုံကလည်း အနောက်ကနေ ၂-၁ နဲ့ ချက်အသင်းကို အနိုင်ယူခဲ့တာဖြစ်လို့ လျှော့တွက်လို့ လုံးဝမရပါဘူး။ အသင်းခေါင်းဆောင် ဆွန်ဟောင်မင်နဲ့ လီကန်အင်တို့ရဲ့ လျင်မြန်တဲ့ တန်ပြန်တိုက်စစ်တွေက မက္ကဆီကိုခံစစ်ကို အကြီးအကျယ် ဒုက္ခပေးနိုင်ပါတယ်။
ဒီပွဲမှာ အပေါ်အသင်းက မက္ကဆီကို ဖြစ်နေပေမဲ့ တောင်ကိုရီးယားရဲ့ ခြေစွမ်းကြောင့် အပြတ်အသတ် ပြောရခက်တဲ့ အခြေအနေမှာ ရှိပါတယ်။ ဒိုင်တွေကတော့ ဂိုးအောက်ကို အလေးပေးထားပေမဲ့ နှစ်သင်းလုံးရဲ့ တိုက်စစ်ကြောင့် နှစ်သင်းစလုံး ဂိုးသွင်းနိုင်တဲ့ (BTTS) အကွက်က ပိုတန်ဖိုးရှိပါတယ်။ ဒါပေမဲ့ MPA အနေနဲ့ကတော့ အိမ်ရှင်အားသာချက်တွေကြောင့် ဒီပွဲမှာ အကြိတ်အနယ် ကစားပြီး မက္ကဆီကို အနိုင်နဲ့ ဂိုးပေါ် (မက္ကဆီကို ၂-၁ တောင်ကိုရီးယား) ကိုပဲ ရွေးချယ်ထားချင်ပါတယ်။ တစ်ဖက်မှာလည်း တကယ်လို့ သရေဆိုတဲ့ ရလဒ် ထွက်ပေါ်လာခဲ့ရင်တောင် အံ့အားသင့်ဖွယ်မရှိတဲ့အထိ ခြေရည်တူတဲ့ ပွဲကောင်းတစ်ပွဲ ဖြစ်လာမှာပါ။