ဗဟန်းမြို့နယ်၊ ငါးထပ်ကြီးဘုရားအနီး ဂစ်တာတီးနေစဉ် ဖမ်းဆီးရိုက်နှက်ခြင်းခံရသည့် လူငယ်များအ နက် တစ်ဦးမှာ ခြေထောက်ကျိုးသွားသဖြင့် ဆေးရုံတင်ထားရကြောင်း သိရသည်။
ရန်ကုန်မြို့၊ဗဟန်းမြို့နယ်၊ငါးထပ်ကြီးဘုရားအနီးတွင် မေလ၄ရက်၊ည ၉နာရီ၁၅မိနစ်ခန့်က လူငယ် ၅ဦး ဂစ်တာတီးပြီး သီချင်းဆိုနေစဉ် စစ်သားနှင့်ရဲများ ရောက်ရှိလာပြီး ဗဟန်းရဲစခန်းထဲသို့ ဖမ်းဆီးသွားကာ ရိုက်နှက်စစ်မေးခဲ့ရာ လူငယ်များမှာ လမ်းမလျှောက်နိုင်သည်အထိ ပြင်းထန်ဒဏ် ရာရခဲ့ကြောင်း Bahan Scout & News Channel က သတင်းထုတ်ပြန်သည်။
“ခြေထာက်ကျိုးသွားတဲ့သူ ပါလာလို့ ဆေးရုံပို့ထားလိုက်ရတယ်လို့ သိရပါတယ်ဗျ”ဟု Rangoon Scout Network-RSN မှ တာဝန်ရှိသူတစ်ဦးက MPAသို့ပြောသည်။
ရဲစခန်းတွင် ရိုက်နှက်၍ဝမှ အုပ်ချုပ်ရေးမှူးကိုခေါ်ကာ ပြန်လွှတ်ပေးလိုက်ကြောင်း Bahan Scout & News Channel က ဆိုသည်။
လက်ရှိတွင် ခြေထောက်ကျိုးသည်အထိ ရိုက်နှက်ခံရသည့်လူငယ်ကို ရန်ကုန်ဆေးရုံကြီးသို့ တင်ထား ကြောင်း သိရသည်။
ဖမ်းဆီးရိုက်နှက်ခံရသည့်လူငယ်များမှာ အသက်၁၈၊၁၉နှစ်အရွယ်များ ဖြစ်ကြောင်း RSN တာဝန်ရှိသူက ပြောသည်။
ကျန်လူငယ်၄ဦးမှာလည်း ပြင်းထန်ဒဏ်ရာများ ရရှိထားသော်လည်း ၎င်းတို့၏ နောက်ဆက်တွဲ အခြေ အနေကို မသိရသေးပေ။