ထိုင်းအိမ်သုံးပစ္စည်းဈေးကွက်ကို နယ်ချဲ့လာသည့် တရုတ်ကုမ္ပဏီကြီးများ

By The Nation

ထိုင်းနိုင်ငံ၏ အိမ်သုံးပစ္စည်းဈေးကွက်တွင် တရုတ်ကုမ္ပဏီကြီးများဖြစ်သော Haier, TCL, Hisense, Midea နှင့် Changhong တို့၏ ပြင်းထန်သော စျေးကွက်တိုက်ပွဲတွင်နယ်ချဲ့လာခဲ့သည်။

၎င်းအမှတ်တံဆိပ်များသည် အရည်အသွေး၊ ခေတ်မီဒီဇိုင်းနှင့် ခေတ်မီနည်းပညာကို ပိုမိုလိုလားသော ထိုင်းစားသုံးသူများကို ဆွဲဆောင်ရန် ရည်ရွယ်ကာ စက်ရုံအသစ်များ တည်ဆောက်ခြင်း၊ ပြည်တွင်းမိတ်ဖက်များ ပူးပေါင်းဆောင်ရွက်ခြင်းနှင့် ဆန်းသစ်သော နည်းပညာများ မိတ်ဆက်ခြင်းတို့ကိုပိုမိုပြုလုပ်လာကြသည်။

Haier သည် Chonburi နှင့် Prachin Buri ရှိ ၎င်း၏စက်ရုံများကို ချဲ့ထွင်နေသလို Midea က Rayong တွင် လေအေးပေးစက်စက်ရုံအသစ်အတွက် ဘတ် ၂.၂ ဘီလီယံကျော် ရင်းနှီးမြှုပ်နှံခဲ့သည်။

Hisense သည် ပရီမီယံ စမတ်တီဗီနှင့် TCL က စမတ်တီဗီကဏ္ဍတွင် ပိုမိုအားကောင်းသော တိုးတက်မှုကို မျှော်မှန်းနေပြီး၊ Changhong က Global House နှင့် ပူးပေါင်းကာ အဆင့်မြင့်ဈေးကွက်ထဲသို့ ဝင်ရောက်လာသည်။

Haier သည် ၁၉၈၄ ခုနှစ်တွင် ဒေဝါလီခံလုနီးပါး အခက်အခဲကြုံနေရသော ရေခဲသေတ္တာစက်ရုံတစ်ခုအဖြစ် စတင်ခဲ့ရာ “အရည်အသွေး” ကို အဓိကမူဝါဒအဖြစ် သတ်မှတ်ခြင်းပြီး ကုမ္ပဏီသည် ကမ္ဘာ့အကြီးဆုံး အိမ်သုံးပစ္စည်းထုတ်လုပ်သူများထဲမှ တစ်ခု ဖြစ်လာခဲ့ပြီး၊ ယခုအခါ ဘတ် ၁.၁ ထရီလီယံကျော် တန်ဖိုးရှိနေပြီဖြစ်သည်။

ထိုင်းနိုင်ငံသည် Haier ၏ မဟာဗျူဟာအတွက် အဓိကကျကာ ၂၀၂၄ ခုနှစ်ကုန်တွင်၊ ၎င်းသည် Chonburi ၌ ၃၂၄,၀၀၀ စတုရန်းမီတာ ကျယ်ဝန်းသော လေအေးပေးစက်စက်ရုံအသစ်တစ်ခုအတွက် ဘတ် ၁၀ ဘီလီယံကျော် ရင်းနှီးမြှုပ်နှံခဲ့ပြီး နှစ်စဉ် ယူနစ် ခြောက်သန်း ထုတ်လုပ်နိုင်စွမ်းရှိကာ အလုပ်အကိုင် ၃,၀၀၀ ကျော် ဖန်တီးပေးခဲ့သည်။

Haier သည် ထိုင်းနိုင်ငံတွင် ပထမဆုံးသော လေ့ကျင့်ရေးနှင့် ဝန်ဆောင်မှုစင်တာဖြစ်သည့် Haier Thailand Training Center ကို စတင်ခဲ့သည်။

Haier Electrical Appliance (Thailand) Co., Ltd. ၏ ဥက္ကဋ္ဌ Tong Jianping က အိမ်ခြံမြေရင်းနှီးမြှုပ်နှံမှုနှင့်အတူ အထူးသဖြင့် လေအေးပေးစက်များကို ယခုနှစ်တွင် ဘတ် ၁.၁ ဘီလီယံဖိုး ရောင်းချရန် ရည်ရွယ်ကြောင်း ပြောကြားခဲ့သည်။

Haier သည် အဝတ်လျှော်စက်ဈေးကွက်တွင်လည်း အရှိန်မြှင့်လုပ်ဆောင်နေသလို ပြီးခဲ့သည့်နှစ် ပထမသုံးလပတ်တွင်၊ ၎င်းသည် ဘတ် ၃.၅ ဘီလီယံကျော် ရောင်းချခဲ့ရပြီး ၂၇% တိုးတက်ခဲ့သည်။

ထိုအမှတ်တံဆိပ်သည် AI ကို စားသုံးသူဗဟိုပြုဒီဇိုင်းနှင့် ပေါင်းစပ်ထားသော ပရီမီယံ အဝတ်လျှော်စက်မော်ဒယ်အသစ် သုံးမျိုးကို မိတ်ဆက်ခဲ့ပြီး ယခုနှစ်ကုန်တွင် ထိုင်းဈေးကွက်ဝေစုကို ၁၅% အထိ တိုးမြှင့်ရန် ရည်ရွယ်ထားသည်။