ကချင်ပြည်နယ်၊ ဖားကန့်မြို့နယ်အတွင်းရှိ နေအိမ်တစ်လုံးပေါ်သို့ လက်နက်ကြီး ကျရောက်ပေါက် ကွဲသဖြင့် ကလေးငယ် ၂ဦးသေဆုံးပြီး အမျိုးသမီး၈ဦး အပါအဝင် ၁၂ဦးဒဏ်ရာရရှိခဲ့ကြောင်း သိရသည်။
ယနေ့ (ဖေဖော်ဝါရီ ၃ရက်) နံနက် ၁၀နာရီခွဲခန့်တွင် ဖားကန့်မြို့နယ်၊ ကာလီချောင်ရွာအနီးရှိ နေအိမ်ပေါ်သို့ လက်နက်ကြီးကျရောက်ပေါက်ကွဲသဖြင့် အသက် ၇နှစ်အရွယ် မောင်အောင် တည်ကြည်ဖြူနှင့် အသက် ၁၃နှစ်အရွယ် မောင်ဆွတ်ဂျာအောင်တို့ သေဆုံးခဲ့ကြောင်းသိရသည်။
” အဲ့နားမှာက သူကပြောမယ်ဆိုရင် မိသားစုများတဲ့ အိမ်ကိုသွားကျတာ။ မိသားစုက ၈ယောက်ရှိ တယ်လို့ သိရတယ်။ အဲ့မှာ ၆ယောက်ထိသွားတာ။ မိသားစုတစ်စုတည်းကိုပဲနော်။ မိသားစုတစ်စု တည်းကိုပဲ ၈ယောက်ရှိတဲ့ဟာမှာ ၆ယောက်ထိသွားတာ။ အဲဒါပြီးတော့ လမ်းသွားလမ်းလာနဲ့ ဘေးအိမ်နီးနားချင်းတွေရော ထိတာပေါ့နော်။ အဲ့လိုဖြစ်သွားတာ” ဟု ဖားကန့်မြို့ခံ ကို Tarling Mg က MPAသို့ပြောသည်။
ဒဏ်ရာရ အမျိုးသမီး ၈ဦးနှင့် အမျိုးသား ၄ဦးထဲတွင် ၁၁နှစ်အောက် မိန်းကလေး ၄ဦးနှင့် ၃နှစ်အရွယ် ယောင်္ကျားလေး တစ်ဦးတို့ ပါဝင်ကြောင်းသိရသည်။
” ၁၂ ယောက်စလုံး အသက်အန္တရာယ် မစိုးရိမ်ရတော့ပါဘူးဗျ” ဟု ၎င်းက ဆက်လက်ပြောသည်။
ယနေ့ နံနက် ပိုင်းကလည်း ဖားကန့်မြို့နယ်၊ အမှိုက်ပုံရွာ၊ မြိုကုန်းရှိ အိမ်တစ်လုံးပေါ်သို့ လက်နက်ကြီး ကျရောက်ပေါက်ကွဲပြီး အသက် ၂နှစ်အရွယ်ယောက်ကျာ်းလေးတစ်ဦးနှင့် ၎င်း၏ မိဘများ ဒဏ်ရာရရှိခဲ့သေးသည်။
ဇန်နဝါရီ ၃၀ရက်မှစပြီး တော်လှန်ရေးအင်အားစုများ ထိန်းချုပ်ထားသည့် ဖားကန့်မြို့နယ်၊ ဆိပ်မူကျေးရွာဘက်သို့ စစ်တပ်က စစ်ကြောင်းထိုးနေသလို အမှိုက်ပုံကျေးရွာ၌လည်း KIA/KPDFနှင့် လက်နက်ကြီးအပြန်အလှန်ပစ်ခတ်မှုများ ဖြစ်နေကြောင်းသိရသည်။
စာတည်း-ML