အီရန်နိုင်ငံ၏ အမြင့်ဆုံးခေါင်းဆောင်သစ်အဖြစ် ကြေညာခံထားရသော မွတ်ရှ်တာဘာ ခါမေနီ ဒဏ်ရာရရှိထားကြောင်း အီရန်အစိုးရပိုင် ရုပ်သံမီဒီယာများက ဖော်ပြနေကြသည်။
မွတ်ရှ်တာဘာ ခါမေနီ သည် မည်သည့်နေရာ၊ မည်သည့်အချိန်တွင် ဒဏ်ရာရခဲ့သည်ကို အီရန်ဘက်မှ အသေးစိတ် ထုတ်ပြန်ထားခြင်း မရှိသေးပေ။
အမေရိကန်နှင့် အစ္စရေးတို့ တိုက်ခိုက်မှုကြောင့် ဒဏ်ရာ ရရှိခဲ့ခြင်းဖြစ်ကြောင်း ယူဆနေကြပြီး မွတ်ရှ်တာဘာ ခါမေနီ ကို လူသိရှင်ကြား မတွေ့မြင်ရသေးကြောင်းလည်း သတင်းများတွင် ဖော်ပြထားကြသည်။
လက်ရှိအချိန်တွင် Iran နှင့် Israel အကြား စစ်ရေးတင်းမာမှုများ ဆက်လက်မြင့်တက်နေပြီး ဒေသတွင်း လုံခြုံရေးအခြေအနေများ ပိုမိုမတည်ငြိမ်လာနိုင်ကြောင်း နိုင်ငံရေးသုံးသပ်သူများက သုံးသပ်နေကြသည်။